"İnter Mayami"nin argentinalı hücumçusu Lionel Messi "Barselona" haqda danışıb.

Apasport.az xəbər verir ki, dünya çempionu açıqlamasında özünü Barselonaya aid hiss etdiyini bildirib: 

"Mənim uşaqlarım burada doğulub. Ömrüm boyu burada yaşamışam. Özümü Barselonaya aid hiss edirəm. Ailəm və mən bir gün Barselonada yaşamağa qayıtmağı düşünürük. Uşaqlarım, həyat yoldaşım və mən oradakı həyat üçün çox darıxırıq".

Xatırladaq ki, Messi 2004-2021-ci illərdə "Barselona"nın əsas komandasında çıxış edib. Bu müddət ərzində o, 778 matçda iştirak edib, 672 qol vurub və 303 məhsuldar ötürmə edib.

Qeyd edək ki, “Barselona” ilə birlikdə Messi 10 dəfə İspaniya çempionu olub, 4 Çempionlar Liqası və bir çox başqa kuboklar qazanıb.

• Keyn zədədən sonra İngiltərə yığmasına qoşulub
• Konfrans Liqası kuponu
• DÇ-2022-də ilk qırmızı
• “Apasport” KUPONU
• Benzema məşqlərə başladı