Braziliya millisinin kapitanı Neymar bu dəfə əyləncə turu təşkil etməklə gündəm olub.
Apasport.az xəbər verir ki, “Əl-Hilal”ın hücumçusu öz gəmisində üç günlük səyahət təşkil edib.
Gəmi dekabrın 26-da axşam saat altıda Santosdan (futbolçunun doğma şəhəri) yola düşüb. Səyahət zamanı məşhur braziliyalı ifaçıların şənlikləri və konsertləri keçiriləcək. Gəmidə bir çox başqa əyləncələr də var: kazinolar, xüsusi mağazalar, boulinq, oyun otağı, 4D kinoteatr, su parkı, idman zalı, spa, teatr şouları və dünyanın hər yerindən mətbəxlər. Kruiz üçün biletin qiyməti min avrodan altı min avroya qədərdir.
Qeyd edək ki, bu mövsüm Səudiyyə Ərəbistanı təmsilçisinin heyətində cəmi 5 oyun keçirən Neymar 1 qol vurub və 3 məhsuldar ötürmə verib. 31 yaşlı futbolçu hazırda zədəsini sağaltmaqla məşğuldur.
Oxşar xəbərlər
Ana səhifə
Bütün xəbərlər
Hesabım