FIFA Türkiyənin daha bir klubuna transfer qadağası qoyub.

Apasport.az saytının məlumatına görə, “Bursaspor”dan sonra bu dəfə Super Liqa təmsilçisi “Hatayspor” sanksiya ilə üzləşib.

2020/21 mövsümündə “Braqa”dan icarəyə götürülən Pablo Santosa 30 min avroluq borcunu ödəməyən Hatay təmsilçisi qarşıdakı üç transfer dönəmində heyətinə yeni oyunçu cəlb edə bilməyəcək. FIFA borcun faizilə birlikdə 32 min 38 avro olduğunu açıqlayıb. Türkiyə klubu braziliyalı futbolçuya həmin məbləği ödəyərsə, cəzanın ləğvi gündəmə gələcək.

Qeyd edək ki, Volkan Dəmirəlin çalışdırdığı “Hatayspor” 8 turdan sonra 7 xalla turnir cədvəlinin 17-ci pilləsində qərarlaşır.
 

• “Neftçi” onunla vidalaşdı
• Kadi: “Belə qarşılaşmaların taleyini fərqli detallar həll edir”
• "Sumqayıt" müdafiəçisi ilə müqavilə müddətini uzatdı
• Samir Abasov: "Sumqayıtlıların komandanı qınamağa haqqı yoxdur"
• Ayxan Abbasov istefaya göndərildi - RƏSMİ