Ukrayna klubu türkiyəli hakimlə bağlı UEFA-ya müraciət edib

19.08.2024 - 09:53

"Krivbass" UEFA-dan Konfrans Liqasında "Betis"lə keçiriləcək ilk oyunun hakiminin dəyişdirilməsini tələb edib.

Apasport.az xəbər verir ki, Ukrayna təmsilçisi bununla bağlı qitə futbol qurumuna müraciət ünvanlayıb.

Ukraynalılar Arda Kardeşlərin başçılıq etdiyi türkiyəli hakimlər briqadasının Rusiya - Serbiya yoldaşlıq matçını idarə etməsindən narazıdırlar. "Krivbass"ın açıqlamasında Kardeşlərin Ukrayna klublarının oyunlarına təyinatının yolverilməz olduğu bildirilib.

Qeyd edək ki, komandalar arasında ilk oyun avqustun 22-də Koşisedə (Slovakiya), cavab matçı isə 1 həftə sonra Sevilyada olacaq.