Bu gün UEFA Çempionlar Liqasında əsas mərhələnin püşkatma mərasimi baş tutub.

Apasport.az xəbər verir ki, tədbir UEFA-nın Monakoda yerləşən inzibati binasında təşkil olunub.

Turnirdə Azərbaycanı təmsil edən "Qarabağ"ın rəqibləri bəlli olub.

IV səbətdə yer alan Ağdam təmsilçisinin bu mərhələdəki rəqibləri İngiltərədən "Çelsi", "Liverpul", Portuqaliyadan "Benfika", Almaniyadan "Ayntraxt", Niderlanddan "Ayaks", İtaliyadan "Napoli", İspaniyadan "Atletik" və Danimarkadan "Kopenhagen" komandaları olub. 

Son ölkə çempionu Bakıda "Çelsi", "Ayntraxt", "Ayaks" və "Kopenhagen"i qəbul edəcək. "Liverpul", "Benfika", "Napoli" və "Atletik"lə oyunlar isə səfərdə baş tutacaq.

Qeyd edək ki, UEFA Çempionlar Liqasının ilk turunun görüşləri sentyabrın 16-18-də təşkil olunacaq. Pley-off mərhələsi fevralın 17-18-də, final qarşılaşması isə mayın 30-da Macarıstanın paytaxtı Budapeştdə reallaşacaq.

• Naxçıvan Futbol Federasiyasının prezidentinin şirkəti ilə bağlı məhkəmə işi açılıb
• "Beşiktaş" "Real"ın futbolçusu ilə maraqlanır
• “Zirə” “Kəpəz”i darmadağın etdi - YENİLƏNİB
• Rauf Əliyev: “ÇL-də iştirak edə biləcək yeganə komanda "Qarabağ"dır”
• “Sumqayıt” yeni transferinin müqavilə detallarını açıqladı