"Qarabağ" növbəti transferini reallaşdırıb. 

Apasport.az xəbər verir ki, bunu klubun mətbuat xidməti açıqlayıb.

Azad agent statusu daşıyan Aleksey Kaşukla bir müddətdir aparılan danışıqlar müsbət nəticələnib və ukraynalı futbolçu heyətə cəlb edilib.

Ağdamlılarla 24 yaşlı hücumameylli yarımmüdafiəçi arasında 3 illik müqavilə imzalanıb.

Ukraynanın “Şaxtyor” (Donetsk) klubunun yetirməsi olan Aleksey Kaşuk 2019-2022-ci illərdə icarə əsasında ölkəsində “Mariupol”un, 2022-2023-cü il mövsümündə isə Azərbaycanda “Sabah”ın formasını geyinib. Ukraynanın aşağı yaş qrupu üzrə bütün yığmalarında çıxış etmiş yarımmüdafiəçi 2019-cu ildə 20 yaşadək futbolçulardan ibarət milli komandalar arasında keçirilən dünya çempionatının qalibi olub.

• "Zaqatala"nın baş məşqçisi: "Yaxşı heyət yığmaqla komanda oyunu nümayiş etdirmək fərqli şeylərdir"
• Miodraq Bojoviç: "Növbəti oyunlara dair şanslarımız daha yaxşıdır"
• "Sabah"ın matçının saatı bəlli oldu
• Ayxan Abbasov: "Bu gün ustalıq öz sözünü dedi"
• “Bornmut”un futbolçusu “Nyukasl”ın maraq dairəsində