"Azarkeşlərimizi, futbolçuları, rəhbərliyi təbrik edirəm. Mühüm oyun idi. "Araz-Naxçıvan" da, biz də yuxarıdan qopmaq istəmirdik. Stressli matç idi. Bəlkə də bu stress hücumda kəsərli olmağımıza mane olurdu. İlk hissədə rəqib yaxşı müdafiə olunurdu. Bir az çətinlik çəkirdik. İkinci hissədə dəyişikliklər etdik. Sona qədər öz şansımızı gözləyib tələsməmək lazım idi. Bu gün bunu gördüm. Üçüncü dövrə bitir. İtkilərimiz, zədələrimiz var. Bəzi oyunçular hazır deyillər. Bunların da təsiri olur".

Apasport.az xəbər verir ki, bu sözləri Misli Prenyer Liqasının 26-cı turunun "Araz-Naxçıvan"la oyunundan (2:0) sonra "Turan Tovuz"un baş məşqçisi Ayxan Abbasov deyib. O, daha sonra jurnalistlərin suallarını cavablandırıb:

- Bu mövsüm "Araz-Naxçıvan"a xal verməmisiz. Bu, rəqibi daha yaxşı təhlil etməyinizlə bağlıdır?
- Olur belə şeylər. Bizim də qalib gələ bilmədiyimiz komandalar var. Konkret bir səbəb deyə bilmərəm. Amma buna görə sevinirəm. 

- Düşünürdüz ki, Aleks Souza sonradan oyuna girsə, daha çox fayda verə bilər?
- Aleks tam hazır deyil, zədəsi var idi. Keçən oyunda da risk etdik. Bu gün Xəyal da zədədən sonra oynadı. Özünü yaxşı göstərdi.

• “Sabah”ın ev oyunlarını keçirəcəyi arena bəlli oldu
• “Qarabağ” “Səbail”i belə məğlub etdi - VİDEO
• Elhad Nəziri: "Laynsman deyir ki, autdur, amma baş hakim rəqib komandanın lehinə qərar verir"
• Şahin Diniyev: “Qorxmuram, komanda düz yoldadır”
• Kostiç Türkiyə klubuna razılıq verdi