Mövsümün ikinci yarısına son hazırlıqlarını görən "Zirə" daha bir yoxlama oyunu keçirib.

Apasport.az saytının məlumatına görə, Türkiyədəki təlim-məşq toplanışını başa vurduqdan sonra Bakıya qayıdan paytaxt təmsilçisi "Keşlə"nin əvəzedici komandası ilə qarşılaşıb.

I divizionda çıxış edən rəqiblə görüş Zirə İdman Kompleksində baş tutub. Gözlənildiyi kimi, oyun Premyer Liqa təmsilçisinin asan qələbəsi ilə yekunlaşıb. "Keşlə-2"nin birinci hissədə vurduğu 1 qola zirəlilər 6 topla cavab veriblər. Elita klubunun heyətində Ağabala Ramazanov, Davit Volkov, Əli Şirinov və Adrian Skarlatake 1, Xulio Sezar Rodriges isə 2 dəfə rəqib qapısına yol tapıb.

Qeyd edək ki, "Zirə" ikinci yarının ilk oyununu fevralın 1-də "Sabah"a qarşı keçirəcək.
 

• A Seriyası: “Bolonya” “Empoli” ilə bacarmadı
• “Qalatasaray” Türkiyə millisinin üzvü ilə maraqlanır
• Okan Burukdan Mikautadze açıqlaması
• Premyer Liqa: “Mançester Siti” əsəbini "Çelsi"dən çıxdı
• La Liqa: “Atletiko” və “Sevilya” xal itirib