Milimiz Vilnüs şəhərinin “Vetra” stadionunda keçirilən matçın yarıdan çoxunu azlıqda keçirməli olub. Oyunun moldovalı baş hakimi İqor Şatski 33-cü dəqiqədə yığmamızın sol cinah müdafiəçisi Elnur Allahverdiyevə ikinci sarı kart göstərərək meydandan qovub. Litvalılar qələbə topunu komandamız azlıqda qalandan sonra vurmağa müvəffəq olublar. 38-ci dəqiqədə Arunas Klimaviçus topu Fərhad Vəliyevin qoruduğu qapıdan keçirib. Qeyd edək ki, Litva və Azərbaycan milli komandaları arasında on il əvvəl keçirilən ilk görüş komandamızın 2:1 hesablı qələbəsi ilə başa çatıb.Azərbaycan milli yığma komandası növbəti yoldaşlıq görüşünü iyunun 2-də səfərdə Andorra yığması ilə keçirəcək.