Bərdə. Vüqar Xeyrullayev-APA-Sport. “Futbolçular elə kobud səhvlər buraxırdılar ki, bu, onların səviyyəsinə uyğun deyildi”. Bu sözləri “APA-Sport” agentliyinə açıqlamasında ABN klubunun baş məşqçisi Əli Quliyev deyib. Azərbaycan Premyer Liqasının 19-cu turunda öz meydanında “Masallı”ya 1:2 hesabı ilə uduzan bərdəlilərin çalışdırıcısı yetirmələrindən narazı qalıb: “Açığını deyim ki, mən heç nə başa düşmədim. Komandamın belə oyununu görməmişdim. Elə səhvlər edirdilər ki, bunları heç ağlıma gətirə bilməzdim”. Son 6 oyunda “Bakı”, “Olimpik”, “Karvan” və “Xəzər-Lənkəran” kimi rəqiblərindən xal alan ABN-in 55 yaşlı məşqçisinin özü də komandasının meydanda halsız görünməsinə təəccüblənib: “Komanda meydanda çox yorğun görünürdü. Kənardan elə hiss olunur ki, matçdan əvvəl bir maşın daş daşıyıblar. Taqətsiz görünmələrini anlamadım. Axı, elə güclü yükləməyə də ehtiyac duymamışıq. 2-3 gündür yalnız yüngül məşqlərlə kifayətlənirik”. Qeyd edək ki, Ə.Quliyev cəzalı olduğundan bu matçı – texniki zonadan kənardan tribunadan izləməli olub.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”