Berti Foqtsun Azərbaycan yığmasında köməkçisi Uli Ştayn olacaq
05.04.2008 - 11:52
Berti Foqtsun Azərbaycan yığmasında köməkçisi Uli Ştayn olacaq
1983-cü ildə “Hamburq”la Çempionlar Kubokunu qazanan qapıçı iki dəfə ölkə çempionluğunu və Almaniya kubokuna da sahib çıxıb. Milli komandada cəmi 6 oyun keçirməsinə baxmayaraq, dünya çempionatının gümüş mükafatçısıdır. 1986-cı ildə Meksikada keçirilən birincilikdə məşhur Harald Şumaherin əvəzedicisi olan U.Ştayn komandası ilə birlikdə finalda Dieqo Maradonanın çempionluğa daşıdığı Argentinaya məğlub olub. O, B.Foqtsla birgə Nigeriya milli komandasında qapıçılarla işləyən məşqçi olub. Tez-tez meydandan qovulması ilə seçilən U.Ştayn futbolçu karyerasını 50 yaşında bitirməsi ilə diqqət çəkir. 43 yaşında peşəkar karyerasını bitirmək qərarına gələn qapıçı iki ildən sonra yenidən yaşıl meydana qayıdır. Belə ki, U.Ştayn 1999-2004 illər aralığında çalışdığı klublarda qapıçılara nümunə göstərmək üçün 5 dəfə meydana çıxıb. Mütəxəssis qapıçı kimi son 3 oyununu 2003/04 mövsümündə “Fişte Bilefeld” klubunda keçirib.
0
DİGƏR XƏBƏRLƏR
Loading...