Bakı. Vüqar Xeyrullayev – APA-Sport. Bakının “İnter” klubu son 9 ildə öz meydanında keçirdiyi oyunlarda “Turan”a qalib gəlib. “APA-Sport” agentliyinin məlumatına görə, tovuzlular səfərdə paytaxt təmsilçisi ilə keçirdiyi 6 matçda cəmi 1 xal qazanıb. Bu heç-heçə komandaların tarixləri ərzində ilk görüşə təsadüf edib. 1999-cu il dekabrın 5-də baş tutan həmin oyundan sonra “İnter” öz meydanında tovuzlulara xal vermir. Azərbaycan Premyer Liqasının XXIV turunda qarşılaşacaq “İnter” və “Turan” ölkə çempionatlarında 13 dəfə üz-üzə gəliblər. Bakılılar 9, qərblilər isə 3 dəfə qələbəyə seviniblər. 2005-ci il mayın 3-də Tovuzda keçirilən görüşdə “İnter” son dəfə xal itirib.

“İnter” – “Turan”: bütün oyunlar

mövsüm	Bakıda	Tovuzda
1999/2000	0:0	1:2
2000/01	1:0	1:3
2003/04	2:0	+:-
2004/05	4:3	0:1
2005/06	1:0	1:0
2006/07	1:0	7:1
2007/08		4:0