Bakı. Mehman Süleymanov - APA-Sport. Azərbaycanda futbol üzrə 2008/09 mövsümü üçün “transfer pəncərəsi” açılıb. “APA-Sport” agentliyinin məlumatına görə, yay transfer dövrünə iyunun 7-dən start verilib. Premyer Liqa klublarının yeni transferlər üçün 84 gün vaxtı var. “Neftçi” ilk olaraq iştirak ərizəsini AFFA-ya təqdim edəcək ki, bu da komandanın 12 gün sonra startı veriləcək İntertoto kubokunda iştirak etməsi ilə bağlıdır. Flaqman ilkin iştirak ərizəsini AFFA-nın vasitəsilə UEFA-ya göndərəcək. Klublarımızın yeni futbolçuların keçidi üçün son gün avqustun 30-u nəzərdə tutulub. Avropada yay “transfer pəncərəsi” avqustun 31-də başa çatdığı halda, Azərbaycanda bu bir gün tez yekunlaşacaq.
Qeyd edək ki, Premyer Liqada yeni mövsümün avqustun ilk günlərində start verilməsi planlaşdırılıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu