Bakı. Vüqar Xeyrullayev - APA-Sport. “Karvan” klubu Azərbaycan milli komandasının sabiq müdafiəçisi Ernani Pereyranı heyətində saxlayacaq. “APA-Sport” agentliyinin məlumatına görə, yevlaxlılar bir müddət əvvəl transferə çıxardığı 30 yaşlı braziliyalının komandada qalmasının tərəfdarıdır. Əvvəllər vətənində “Vila Nova”, “Kruzeyro”, “Quarani”, həmçinin Türkiyənin “Konyaspor” klublarında da çıxış edən E.Pereyra 2005-ci ildə “Karvan”a gəlib. Ölkəmizə ilk gəlişində Yunis Hüseynovun rəhbərliyi altında çıxış edən müdafiəçi Azərbaycan milli komandasına da cəlb olunmuşdu. 2006-cı ilin sonunda Türkiyəyə yollanıb bir müddət “Orduspor”da çıxış etmiş 30 yaşlı futbolçu yarım il əvvəl “Karvan”a qayıtsa da, sonra transferə çıxarılmışdı. Hazırda vətənində olan E.Pereyra ötən mövsümkü heyətdən komandada qalacaq 5-ci oyunçudur.