“Xəzər-Lənkəran”ın sahibi Mübariz Mənsimovla birgə İstanbul təmsilçisinin rəhbərliyində yer alacaq futbol funksioneri azərbaycanlı iş adamının prezident olmasının mümkünsüzlüyünü bildirib: “Beşiktaş” gündən-günə uçuruma yuvarlanır. Fövqəladə konqresin keçirilməsini gözləyib namizədliyimizi açıqlayacağıq. İki gün əvvəl İstanbulda Mənsimovla görüşümüz olub. Onunla birgə “Beşiktaş” rəhbərliyində yer almağa razılıq verdik. Mübariz bəy klubun üzvü olsa da, üzvlük müddəti prezidentlik üçün lazım olan müddəti əks etdirmir. Bu səbəbdən Mənsimovun dəstəyilə ya mən, ya da Hakan Kalkavanın namizədliyi rəsmiləşəcək. 50 milyon avro Mənsimovun verəcəyi ilkin məbləğdir. Bunu geri almamaq şərti ilə “Beşiktaş”a verəcək. Komandamız onun şəxsi şirkəti olan “Palmali”ni reklam edən forma geyəcək”.