Bakı. Kənan Həsənov - APA-Sport. “Qarabağ” klubunun Türkiyəli baş məşqçisi Rasim Kara Çempionlar Liqasının üçüncü təsnifat mərhələsinin püşkünü dəyərləndirib. “APA-Sport” agentliyinin məlumatına görə, 58 yaşlı mütəxəssis İstanbulun “Fənərbaxça” klubunun potensial rəqibi olan Azərbaycan çempionu “İnter”in və rəqibi “Partizan”ın güclü komandalar olmadığını bildirib: “Partizan” daha güclü heyətə malikdir. Səviyyəli legionerləri var. Serbiya çempionunun mərhələ adlamaq şansı daha çoxdur. İstənilən halda, “Partizan” və “İnter” “Fənərbaxça”ya rəqib ola bilməzlər”.