Azərbaycanla heç-heçə üçün hər futbolçuya 1000 avro

20.11.2008 - 12:48

Tofiq Bəhramov adına Respublika stadionunun soyunub-geyinmə otağında pul paylanıb. Apasport.az saytının məlumatına görə, Azərbaycan milli komandası ilə heç-heçə edən Albaniya yığmasının futbolçuları paltarlarını dəyişməmiş hərəyə 1000 avro mükafat alıb. Albanların mükafatını federasiya yox, şəxsi biznesi sayəsində daim yığmaya kömək edən Lütfi Nuriu verib. Albaniya Futbol Federasiyasının vitse-prezidenti olan biznesmen millinin əksər oyunlarında oyunçuları cibindən verdiyi paralarla həvəsləndirir. Nuriu Türkiyədəki biznesi sayəsində Albaniyanın ən imkanlı və ən titullu komandası olan “Tirana”ya da himayədarlıq edir.