Valentin Belkeviç Bakının “İnter” klubunu tərk edə bilər. Apasport.az saytının məlumatına görə, 35 yaşlı yarımmüdafiəçinin karyerasını yenidən Ukrayna çempionatında davam etdirmək variantı var.

Ukrayna mətbuatı uzun illər Kiyev “Dinamo”suna xidmət etmiş Belkeviçin yaxın zamanda “Arsenal”a keçəcəyini müzakirə edir. Kiyev təmsilçisi ilə yanaşı, digər Ukrayna klubu “Lvov” da belaruslu pleymeykerə elçi düşüb. Lakin “Dinamo”nun daha bir sabiq ulduzu Sergey Fyodorovu da heyətinə qatmaq istəyən lvovluların birdən-birə iki bahalı oyunçunu cəlb edəcəyinə heç Ukraynada da inanmırlar.

Qeyd edək ki, cari mövsüm cəmi 5 matçda 336 dəqiqə meydanda olan Belkeviçlə yanaşı, heyətə düşməkdə çətinlik çəkən digər oyun qurucusu Mahmud Qurbanovun da komandadan ayrılacağı gözlənilir.

• Türkiyə Super Liqasında IX tura yekun vurulub
• Uzun müddətdən sonra Neymar meydana çıxıb
• Xavi Qətər millisinə rəhbərlik edə bilər
• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq