Azərbaycan yığmasının futbolçusu Branimir Subaşiç Serbiya çempionatının ikinci dövrəsində ilk oyununu keçirib. Apasport.az saytının məlumatına görə, Belqradın “Srvena Zvezda” klubunun 26 yaşlı hücumçusu 14-cü turun “Yavor”la qarşılaşmasında 12 dəqiqə meydanda olub. Ardıcıl üç qələbə qazanan paytaxt təmsilçisi “Yavor”la səfər qarşılaşmasında bir xalla kifayətlənib – 1:1. Son iki turda ehtiyatda qalan Subaşiç hesab 1:1 olarkən meydana daxil olub. Hücumçu Serbiya mətbuatından qiymətə layiq görülməyib. Bu heç-heçədən sonra “Srvena Zvezda” 24 xalla Serbiya çempionatının güclülər dəstəsində üçüncü pillədə qərarlaşıb.

• Türkiyə Super Liqasında IX tura yekun vurulub
• Uzun müddətdən sonra Neymar meydana çıxıb
• Xavi Qətər millisinə rəhbərlik edə bilər
• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq