Almaniyalılar Azərbaycan yığmasıyla gələn il keçiriləcək oyunlara indidən hazırlaşırlar. Apasport.az saytının məlumatına görə, dünya çempionatının seçmə mərhələsi çərçivəsində keçirilən bütün qarşılaşmalarda Almaniya millisinə dəstək olmağa çalışan azarkeşlər indidən Azərbaycan səfərinin qayğıları ilə yaşayır. Almaniya yığmasının fan-klubunun rəhbəri Mixael Kirxner Bakı səfəri ilə bağlı narahatçılıqlarının olduğunu açıqlayıb: “2009-cu il bizim üçün çətin olacaq. Xüsusilə, bunu Rusiya və Azərbaycanla səfər oyunlarına aid etmək olar. Bizi orda nəhəng problemlər gözləyir. Axı yığmamızın əksər azarkeşləri həmin qarşılaşmaları canlı izləməyi arzulayır. Lakin onların hamısının istəyini reallaşdırmaq da mümkünsüzdür”.