Bu gün Azərbaycan Premyer Liqasında XIII tura start verilib. Apasport.az saytının məlumatına görə, turun ilk gününün nəticələrinə əsasən, çempionatın lideri dəyişib. Salyanda “Muğan”ı darmadağın edən “Bakı” zirvəyə yüksəlib.

“Qarabağ” öz meydanında “Karvan”a çətinliklə qalib gəlib. Qurban Qurbanovun yetirmələri birinci hissədə iki top fərqi ilə önə çıxsa da, Yevlax təmsilçisi hesabı bərabərləşdirib. Final fitinə 5 dəqiqə qalmış Zaur Ramazanovun dəqiq baş zərbəsi “Qarabağ”a qələbə gətirib.

“Standard” autsayder MOİK-i minimal hesabla məğlub edib. “Turan” və “Qələbə” komandalarının görüşündə isə qapılar toxunulmaz qalıb. Nəhayət, günün son matçında “Simurq” və “Xəzər-Lənkəran” “sülh” bağlayıb.

Sabah XIII turun, həmçinin birinci dövrənin son 2 qarşılaşması - “Neftçi” - “Olimpik” və “İnter” - “Bakılı” oyunları keçirləcək.

“Qarabağ” - “Karvan” - 3:2
Cavadov, 31; 43; Ramazanov, 85 - Nadirov, 61; Mesxi, 75.

“Simurq” - “Xəzər-Lənkəran” - 2:2
David Bolkvadze, 31; Artyux 61 - Svetkov, 43; Emin Quliyev, 90.

“Muğan” - “Bakı” - 0:4
Naçevski, 43, Sultanov, 65; 90; Savinov, 78.

MOİK - “Standard” - 1:2
Eldəniz Məmmədov, 90 - Pisla, 22; 72.

“Turan” - “Qəbələ” - 0:0

	komandalar	o	q	h	m	t	x
1	Bakı	13	9	2	2	31-6	29
2	İnter	12	8	4	0	24-8	28
3	Simurq	12	8	3	1	16-6	27
4	Karvan	13	8	1	4	19-11	25
5	Xəzər-Lənkəran	12	8	1	3	22-10	25
6	Qarabağ	13	7	3	3	19-15	24
7	Olimpik	12	6	4	2	15-9	22
8	Standard	13	6	2	5	12-13	20
9	Neftçi	12	3	4	5	10-9	13
10	Qəbələ	13	3	4	7	13-14	12
11	Bakılı	12	1	3	8	9-28	6
12	Muğan	13	1	2	10	9-24	5
13	MOİK	13	1	2	10	6-26	5
14	Turan	13	0	4	9	3-29	4