“Xəzər-Lənkəran” Bolqarıstan yığmasının hücumçusunu alır
29.12.2008 - 11:24
“Xəzər-Lənkəran” bolqarıstanlı hücumçu Vladislav Mirçevi heyətinə qatmaq istəyir. Apasport.az saytının məlumatına görə, Varna “Spartak”ının 21 yaşlı hücumçusu Almaniyanın aşağı dəstə təmsilçisi “Maynts” və “Xəzər-Lənkəran” arasında seçim etməlidir.
Əvvəllər Bolqarıstanda “Spartak” və “Çernomorest”də (Burqas) çıxış edən Vladislav son yarım mövsümü Belarusun BATE klubunda oynayıb. Lakin bu komanda heyətində 13 oyuna 4 qol vurub, Çempionlar Liqasının qrup mərhələsinin bir neçə matçında da meydana çıxan futbolçunun transferini birdəfəlik həll etmək istəməyib. Bu səbəbdən icarədən qayıdan hücumçuya yeni komanda axtaran “Spartak” “Xəzər-Lənkəran” variantını nəzərdən keçirir. Bolqarıstanın əsas yığmasına namizədlərdən sayılan Mirçev U-21-də 4 oyun keçirib.
Qeyd edək ki, hazırda “Xəzər-Lənkəran”ın heyətində iki bolqarıstanlı futbolçu Radomir Todorov və Kostadin Cambazov çıxış edir.
Əvvəllər Bolqarıstanda “Spartak” və “Çernomorest”də (Burqas) çıxış edən Vladislav son yarım mövsümü Belarusun BATE klubunda oynayıb. Lakin bu komanda heyətində 13 oyuna 4 qol vurub, Çempionlar Liqasının qrup mərhələsinin bir neçə matçında da meydana çıxan futbolçunun transferini birdəfəlik həll etmək istəməyib. Bu səbəbdən icarədən qayıdan hücumçuya yeni komanda axtaran “Spartak” “Xəzər-Lənkəran” variantını nəzərdən keçirir. Bolqarıstanın əsas yığmasına namizədlərdən sayılan Mirçev U-21-də 4 oyun keçirib.
Qeyd edək ki, hazırda “Xəzər-Lənkəran”ın heyətində iki bolqarıstanlı futbolçu Radomir Todorov və Kostadin Cambazov çıxış edir.
0
0