Aleks de Souza “Fənərbaxça”dan ayrılmaq üzrədir. Apasport.az saytının məlumatına görə, komandanın kapitanı bu haqda şəxsi veb-saytına açıqlamasında deyib.

“Gələcəyimi düşünməyə başladım. Dörd konkret təklif almışam. Hamısı da səviyyəli klublardır və mənim xidmətimdə maraqlıdırlar. Bu məni çox sevindirir” – deyə Aleks bildirib.

Braziliyalı legioner “Fənərbaxça” rəhbərliyinin etinasız münasibətindən gileylənib: “Klubun mövqeyini anlamaqda çətinlik çəkirəm. Dörd ildir komandanın şərəfini qoruyuram. Amma apardığımız danışıqlar məndə şübhə oyatdı. Bu mənə çox pis təsir göstərdi. İlk üstünlük verəcəyim klub “Fənərbaxça”dır. Ancaq belə davam edərsə, dəyərimin bilindiyi yerdə oynamağa çalışacağam”.