“Bakı “İnter”i ilə görüş birmənalı təəssürat oyatmadı. Bir tərəfdən oyun alındı, digər tərəfdən isə bizi məyus etdi”. Apasport.az saytının məlumatına görə, bunu Rusiyanın Premyer Liqasında çıxış edən “Tom” klubunun baş məşqçisi Valeri Nepomnyaşi deyib.

Türkiyənin Antalya şəhərindəki hazırlıq prosesində keçirdikləri ilk yoxlama oyununda son Azərbaycan çempionuna uduzan (0:1) Tomsk təmsilçisinin çalışdırıcısı yetirmələrindən daha çox şey gözləyirmiş: “Oyun ona görə alınmadı ki, komandamıza hücum xəttində aqressivlik çatışmadı. Halbuki, biz təşəbbüsə malik idik, ancaq rəqib qapısına təzyiq kifayət qədər deyildi. Mən ilk növbədə futbolçulara aqressivliyi artırmağın vacib olduğunu deyəcəyəm. Futbolçuların ağır yükləmələrin altında olduğunu nəzərə alsaq, hərəkətsizliyin az olması başa düşüləndi. Hər halda, “İnter” ilə oyunda çox şey gözləyirdim. İkinci neqativ məqam – cinahlarda, xüsusilə solda zəif oynamağımızdır. Sevindirici məqam odu ki, hələ ötən mövsümün sonunda zədələnən futbolçularımız qayıdaraq, pis təsir bağışlamadılar”

• Qrem Arnoldu o əvəzlədi
• "Qarabağ"ın rəqibi evdə məğlub olub
• "Qalatasaray" - PAOK matçının hakimi bəlli olub
• Diniyev oynadı, komandası xal itirdi
• Serbiya klubunun meydançası yandırıldı - VİDEO