İstanbulun “Qalatasaray” klubu Türkiyə kuboku uğrunda yarışda mübarizəni erkən dayandırıb. Apasport.az saytının məlumatına görə, Mixael Skibbenin yetirmələri 1/4 final mərhələsində “Sivasspor”la bacara bilməyiblər. Qalib oyunsonrası penaltilər seriyasında müəyyənləşib.

“Qalatasaray” və “Sivasspor” arasındakı hər iki qarşılaşma 1:1 hesabı ilə nəticələnib. Bu gün baş tutan cavab görüşündə “Cim Bom” futbolçuları qələbə qazanmaq üçün üstünlüyə yiyələnsələr də, heç-heçə ilə kifayətləniblər. “Sarı-qırmızılılar” 8-ci dəqiqədə Arda Turanın qolu sayəsində hesabı açıblar. Ancaq 30-cu dəqiqədə tarazlıq bərpa olunub. Əsas və əlavə vaxtda tablodakı rəqəmlər dəyişməz qalıb.

Nəticədə oyunsonrası penaltilər seriyası təyin edilib. “Qalatasaray”dan Arda Turan, Ümit Karan və Yaserin zərbələri dəqiq olmadığından, “Sivasspor” 4:2 (penaltilərlə - 3:1) hesabı ilə qalib gələrək, yarımfinala yüksəlib.

• Fələstin FİFA-ya müraciət edib: "İsraillilər bizi təhdid edir"
• Messi Argentina klubuna keçmək istəyir
• "Everton" üçün növbəti namizəd
• “SOCAR” Türkiyə klubuna sponsor oldu
• Varan "Komo"da qalacaq