Türkiyədə yeni futbol klubu yaradılıb. Apasport.az saytının məlumatına görə, bu komandanın əvvəlkilərdən çox böyük fərqi var. Klubun həm heyəti, həm də adı qeyri-adidir.

Mersin şəhəri yaxınlığında yerləşən Silifke qəsəbəsinin Kabasakallı kəndində təsis olunan komandanın adı “Şalvarspor”dur. Özü də heyətdə yer alan hər 14 futbolçu qadındır. Kəndin 40-50 yaşlı qadınlarından qurulmuş komanda həftədə bir gün öz aralarında “narıncılar”a və “mavilər”ə bölünərək, oynayırlar.

Onlar məhz şalvarla futbol oynadıqlarından özlərinə “Şalvarspor” adını seçiblər. Matçlar çox böyük maraqla izlənilir. Komandanın üzvü Zeynəb Bulut “Şalvarspor”un yaradılmasında əsas məqsədi belə izah edib: “Bizim məqsədimiz kişilərin qadınların futbol oynaya bilməmələri barədə fikirlərinin doğru olmadığını, zərif cins nümayəndələrinin də bu idman növünü uğurla oynadıqlarını sübuta yetirməkdir”.

• Premyer Liqa klubu Virtzi istəyir
• “Tottenhem”in futbolçusu: "Layiqli qələbə qazandıq"
• Sabiq "Fənərbaxça"lı güllələndi
• “Yuventus”dan Mbanqula qərarı
• Gökhan Gönül Türkiyə millisində