Dünya çempionatının seçmə qrup mərhələsi çərçivəsində Rusiya və Azərbaycan futbol yığmaları arasında keçiriləcək oyun üçün 60 000 bilet satışa çıxarılacaq. Apasport.az saytının məlumatına görə, ən ucuz biletlər 150 rubla (təxminən 4 manat) satılacaq.

VİP biletlərinin qiyməti isə 2000 - 8000 rubl (45-175 manat) arasında dəyişəcək. Rusiya Futbol İttifaqı AFFA-ya 7000 bilet ayıracaq. Bundan başqa, stadionun B tribunası bütövlükdə Rusiya Azarkeşlər Birliyinə veriləcək.

Qeyd edək ki, Rusiya - Azərbaycan qarşılaşması martın 28-də Moskvanın 84 745 tamaşaçı tutumuna malik “Lujniki” stadionunda keçiriləcək.

• Premyer Liqa klubu Virtzi istəyir
• “Tottenhem”in futbolçusu: "Layiqli qələbə qazandıq"
• Sabiq "Fənərbaxça"lı güllələndi
• “Yuventus”dan Mbanqula qərarı
• Gökhan Gönül Türkiyə millisində