“Hakim fit çalanda mən yıxıldım”. Apasport.az saytının məlumatına görə, bu sözləri Azərbaycan milli komandasının kapitanı Rəşad Sadıqov deyib.

“Kocaelispor” klubunda çıxış edən 27 yaşlı müdafiəçinin Superliqanın son turunda üzləşdiyi hakim haqsızlığı hələ də türk həmkarlarımızın müzakirə mövzusudur. “Kayserispor”la matçda hakimin əllə oyun adı altında penalti təyin etməsini ədalətsizlik kimi qələmə verən türkiyəlilər Sadıqovun məsələyə münasibətini öyrənib: “Zərbə çox yaxından vurulmuşdu. Mən də özümü topdan qorumaq istədim. Belə olan halda, top üzümə apardığım əlimə çarpdı. Hakimin haqsızlığını görüncə yerə yıxıldım”.

Qeyd edək ki, Türkiyə çempionatının autsayderlərindən olan “Kocaelispor” “Kayserispor”la qarşılaşmada ilk qolu vursa da, 1:2 hesabı ilə məğlub olub.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır