İngiltərə yığmasının və “Çelsi”nin yarımmüdafiəçisi Frank Lempard fevralın 14-də, Sevgililər günündə ağır mənəvi zərbə alıb. Apasport.az saytının məlumatına görə, 30 yaşlı futbolçu ilə 8 il birgə yaşayan ispaniyalı model Elen Rives gözlənilmədən ondan ayrılıb.

Lempardın mətbuat katibi hadisə haqda bunları deyib: “Artıq Frankla Elen bir yerdə deyillər. Bunun səbəbi bilinmir. Ayrılıqda heç kimin əli olmayıb. Münasibətləri kəsməyi Elen özü istəyib. Bu, son illərdə onun törətdiyi ən kədərli hadisədir”.

Məşhur futbolçu sevgilisinə Londonda 3 milyon funt-sterlinqə villa alıbmış. Amma ayrılıqdan sonra Elen buradan köçüb.

Maraqlıdır ki, cütlük 8 il ərzində birgə yaşasa da, rəsmi nikaha girməyib. Buna baxmayaraq, onların iki qızı var: 2 yaşlı Luna və 1 yaşlı İsla. Lempard sevgilisi tərəfindən atılmasına hələlik münasibət bildirməyib.

• Guendouzi "Fənərbaxça" üçün İstanbula gəlib - FOTO - YENİLƏNİB
• "Fənərbaxça" İrfan Can Kahvecini göndərdi: Bu kluba icarəyə getdi
• Deku Ter Ştegenin zədəsi ilə bağlı: "Əvəllər də bu cür zədə alıb"
• "Bavariya"nın qapıçısı Premyer Liqa klubunda
• FIFA dünya çempionatında ofsayd qərarları üçün süni intellektdən istifadə edəcək