Futbol üzrə Argentina milli komandasının baş məşqçisi Dieqo Maradona baba olub. Apasport.az saytının lent.az-a istinadən məlumatına görə, əfsanəvi futbolçunun qızı Cannina İspaniyanın “Atletiko” klubunda çıxış edən Serxio Kun Aquradan bir oğlan dünyaya gətirib. Madriddəki xəstəxanalardan birində doğulan uşağa Leonel adı verilib. Körpənin və ananın vəziyyətlərinin yaxşı olduğu bildirilir.

Maradonanın ən kiçik qızı olan Cannina evlənmədən övlad sahibi olub. İlk dəfə baba olmaq həyəcanı yaşayan veteran futbolçu qızının yanında olmaq üçün bir həftəyədək İspaniya paytaxtında qalıb.

Uşağın atası Kun isə “Atletiko”nun məşqinə çıxmayıb. Leonelin atasının Serxio Aquera, babasının isə Maradona olması ilə əlaqədar İspaniya mətbuatı futbol zəkası çox güclü olacaq övladın dünyaya gəldiyini yazıb.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır