“İnter” son çempiondur, bu komandaya uduzmağı qorxulu saymıram”. Apasport.az saytının məlumatına görə, bunu “Standard”ın baş məşqçisi Badri Kvaratsxeliya deyib.

Premyer Liqanın XV turunda “İnter”ə məğlub olan (0:2) “bank təmsilçisi”nin çalışdırıcısı rəhbərlik etdiyi komandanın çatışmayan cəhətlərinə toxunub: “Ən ağrılı yerimiz qol vura bilməməyimizdir. Halbuki, bundan ötrü xeyli fürsət yaxalayırıq. İlk hissədə yaxşı təsir bağışladıq. Hətta birinci qolu buraxdıqdan sonra ruhdan düşmədik. Amma ikinci qol bizi “sındırdı”.

Kvaratsxeliya bildirib ki, diqqəti “Qarabağ”la oyuna yönəldiblər: “Əlbəttə, nəticə yoxdursa, deməli, oyundan razı qalmamışam. Bununla belə, psixoloji planda irəliləyiş nəzərə çarpır. Bugünkü məğlubiyyəti tezliklə unutmaq lazımdır. Qarşıda bizi “Qarabağ”la görüş gözləyir”.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır