Azərbaycan - Finlandiya oyununun vaxtı müəyyənləşdi
23.02.2009 - 12:30
Futzal üzrə Azərbaycan milli komandası təlim-məşq toplanışı keçirəcək. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, yığmamız Avropa çempionatının seçmə mərhələ oyunlarına hazırlıq məqsədilə martın 6-dan 17-dək Bakıda toplanışa yığışacaq. Bundan sonra Portuqaliyaya yollanacaq futzalçılarımız martın 19-dan 22-dək bu ölkənin Vyana do Kaştello şəhərində keçiriləcək qitə miqyaslı turnirdə iştirak edəcək.
Bu arada millimizin seçmə mərhələdə sonuncu rəqibi də müəyyənləşib. Belə ki, ilkin seçmə mərhələnin D qrupunda keçirilən oyunlarına əsasən rəqiblərini geridə qoyan Finlandiya yığması Azərbaycanla bir qrupda yer almaq hüququ qazanıb. Milli komandamız qrupda sonuncu oyununu bu rəqiblə keçirəcək. Həmin görüş martın 22-də Bakı vaxtı ilə saat 18:00-da başlayacaq. Meydan sahibləri və finlərlə yanaşı, Polşa ilə də bir qrupda çıxış edəcək yığmamız bu komanda ilə martın 20-də Bakı vaxtı ilə 20:30-da görüşəcək. Seçmə mərhələyə Portuqaliya ilə oyunla start götürəcək Azərbaycanın meydan sahibləri ilə martın 19-da saat 00:00-da qarşılaşacaq.
Qeyd edək ki, futbol üzrə milli komandamız da Finlandiya ilə seçmə mərhələ oyunlarında bir qrupda yer alıb.
Bu arada millimizin seçmə mərhələdə sonuncu rəqibi də müəyyənləşib. Belə ki, ilkin seçmə mərhələnin D qrupunda keçirilən oyunlarına əsasən rəqiblərini geridə qoyan Finlandiya yığması Azərbaycanla bir qrupda yer almaq hüququ qazanıb. Milli komandamız qrupda sonuncu oyununu bu rəqiblə keçirəcək. Həmin görüş martın 22-də Bakı vaxtı ilə saat 18:00-da başlayacaq. Meydan sahibləri və finlərlə yanaşı, Polşa ilə də bir qrupda çıxış edəcək yığmamız bu komanda ilə martın 20-də Bakı vaxtı ilə 20:30-da görüşəcək. Seçmə mərhələyə Portuqaliya ilə oyunla start götürəcək Azərbaycanın meydan sahibləri ilə martın 19-da saat 00:00-da qarşılaşacaq.
Qeyd edək ki, futbol üzrə milli komandamız da Finlandiya ilə seçmə mərhələ oyunlarında bir qrupda yer alıb.
0
0