Azərbaycan Əlillər Futbolu Federasiyasının (AƏFF) növbədənkənar hesabat-seçki konfransı təxirə salınıb. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, konfrans nəzərdə tutulduğu kimi, fevralın 27-də baş tutmayacaq. Tədbirin nə vaxt keçiriləcəyi hələ müəyyənləşməyib. Sumqayıtda Respublika Paralimpiya İdman Kompleksində keçirilməsi planlaşdırılan konfransın gündəliyə üç məsələ daxil edilib. Bunlar AƏFF-nin hesabatı, rəhbər orqanlara seçkilərin keçirilməsi və İcraiyyə Komitəsi üzvlərinin seçilməsidir.