Rusiya klubları Türkiyənin “Fənərbaxça” klubunun futbolçularını transfer etmək niyyətindədir. Apasport.az saytının məlumatına görə, 28 yaşlı Dieqo Luqano “Zenit”in, onun həmyaşıdı Daniel Quiza isə “Rubin”in maraq dairəsindədir.

“Qalartasaray”ın arxa xətt oyunçusu Fernando Meyranın transferində maraqlı olan sankt-peterburqlular bu keçidi həll edə bilmədikdən sonra da Türkiyə “bazarı”nı tərk etməyib. İndi uruqvaylı müdafiəçiyə gözü düşən “Zenit” Luqanonun tezliklə heyətinə qatmaq arzusundadır. İstanbul təmsilçisi ilə 2012-ci ilədək müqaviləsi olan İspaniya milli komandasının futbolçusu olan Danielin yolunu isə Kazanda gözləyirlər.

Qeyd edək ki, “Rubin”lə “Zenit”in Türkiyə çempionatına marağı səbəbsiz deyil. Hər iki komandanın heyətində türkiyəli futbolçular çıxış edir. Gökdəniz Karadəniz və Hasan Kabze “Rubin”, Fatih Təkkə isə “Zenit”də çıxış edir.

• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi
• Ronaldo özünü “xəyanətə uğramış” hiss edir – Jezuş yalan danışıb
• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”