“Bakıya üç xal dalınca gəlmişdik. Amma səfərdən 1 xalla dönmək də uğur sayılmalıdır”. Apasport.az saytının məlumatına görə, bu sözləri “Neftçi” ilə oyundan (0:0) sonra keçirilən mətbuat konfransında “Qəbələ”nin baş məşqçisi Ramiz Məmmədov deyib.

Gənc çalışdırıcı bildirib ki, yetirmələri əsasən yarımmüdafiədə inamlı oyun sayəsində istəklərinə çatıblar: "4-5-1 taktiki sxeminə üstünlük verib, “Neftçi”nin orta xəttə nəzarəti ələ keçirməsinin qarşısını almışdım. Şükürlər olsun ki, hər şey istədiyim kimi cərəyan etdi. “Neftçi”yə qarşıdakı oyunlarda uğurlar arzu edirəm”.