“Standard”a məğlubiyyətdən sonra çempion olmaq işimiz bir qədər çətinləşsə də, hər şey öz əlimizdədir. Qarşıdan “Bakı” ilə oyun gəlir. İnşallah, lideri məğlub edəcəyik”. Apasport.az saytının məlumatına görə, bu sözləri Ağdamın “Qarabağ” klubunun futbolçusu Fərhad Vəliyev deyib.

Azərbaycan Premyer Liqasının XVI turunda “Standard”a uduzan ağdamlılara 29 yaşlı qapıçının penaltini dəf etməsi də kömək etməyib. Cəzalı Aslan Kərimovun yoxluğunda komandanı meydana kapitan sarğısı ilə çıxaran Fərhad qarşılaşma ilə bağlı fikirlərini klubun rəsmi internet saytına açıqlayıb: “Komandamız qələbə qazanmayıbsa, qəhrəmanlıqdan danışmaq yersizdi. Penaltini qaytardıqdan sonra fikirləşdim ki, artıq qələbə topunu vura biləcəyik. Amma həmin gün bizim günümüz deyildi. İnamımız çox olsa da, alınmadı. Qolun son dəqiqədə vurulması isə pis oldu”.

Qeyd edək ki, “Qarabağ” “Standard”la matçda 0:1 hesabı ilə məğlub olub.

• 15 dəqiqə dayanan Madrid derbisində qalib müəyyənləşmədi
• “Fənərbaxça” “Qalatasaray”la xal fərqini 3-ə endirdi
• “Əl-Nəsr”in Ronaldo planı
• Dünya çempionatı 12 stadionda
• Palmer rekorda imza atdı