Azərbaycan Premyer Liqasının lideri “Bakı” yeni avtobus alır. Bu haqda apasport.az saytına klubun vitse-prezidenti Zeynal Məmmədov məlumat verib. Onun sözlərinə görə, əsas komanda üçün təklif edilən avtobus onlara sərf etməyib: “Bizə qiyməti 400 min ABŞ dollarına yaxın Almaniyanın “Man” markalı avtobusu təklif edilmişdi. Amma baha olduğu üçün başqasını axtarırıq. Ola bilsin ki, məşhur “Mercedes” markasına üstünlük verdik. Deyə bilmərəm ki, bunun Azərbaycanda analoqu olmayacaq. Hər halda, yüksək keyfiyyətli avtobus almaq fikrimiz var. Əsas komandamızın indiki avtobusu isə Cənubi Koreyanın “Hyundai” şirkətinin istehsalıdır. Onu “Bakı-2”nin sərəncamına verəcəyik”.