Azərbaycanın futbol üzrə milli komandası növbəti yoldaşlıq görüşündə qüvvəsini sınayıb. Apasport.az saytının məlumatına görə, dünya çempionatının Rusiya ilə martın 28-də keçiriləcək seçmə oyununa Almaniyada hazırlaşan yığmamız yerli “Ayntraxt” klubu ilə qarşılaşıb.

Frankfurt şəhərində keçirilən təlim-məşq toplanışı çərçivəsində baş tutan bu matç Bundesliqa təmsilçisinin minimal hesablı qələbəsi ilə nəticələnib – 1:0. Görüş şəhərin əsas stadionu olan “Kommersbank Arena”dan o qədər də uzaq olmayan süni örtüklü meydançaların birində keçirilib.

Qeyd edək ki, Frankfurtda hazırlıq keçən Azərbaycan yığması “Kempinski” otelində məskunlaşıb.

• III Liqa klubu yenidən rekord qırıb: Qarşılaşmanı 43 000 azarkeş izləyib
• Joze Mourinyodan bənzərsiz etiraz - VİDEO
• 15 dəqiqə dayanan Madrid derbisində qalib müəyyənləşmədi
• “Fənərbaxça” “Qalatasaray”la xal fərqini 3-ə endirdi
• “Əl-Nəsr”in Ronaldo planı