UEFA nümayəndəsi Markus Keller sabah Bakıya gəlir. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, səfərin məqsədi Azərbaycanın müxtəlif bölgələrində inşa olunan süni örtüklü meydançalarla tanış olmaqdır. Lakin AFFA-nın dəvəti ilə ölkəmizə təşrif buyuran Keller assosiasiya tərəfindən tikilən süni örtüklü meydançalarla tanış olmaqla kifayətlənməyəcək. Onunla bu istiqamətdə gələcək əməkdaşlığın perspektivləri də müzakirə olunacaq.