Hal-hazırda Kiyev “Arsenal”ını çalışdıran Aleksandr Zavarov AVRO-2012 ilə bağlı yaranan vəziyyətdən narahatdır. Apasport.az saytının lent.az-a istinadən məlumatına əsasən, Zavarov Ukraynanın qitə birinciliyinə hazırlığının aşağı səviyyədə olduğunu bildirib: “Azərbaycanda 80 min nəfərlik stadion tikiləcək. Biz isə Avropa çempionatının əsas arenası ilə bağlı ciddi addım atmamışıq. Mənə elə gəlir ki, keçmiş müttəfiqlərimiz bizdən xeyli qabaqdadırlar. Onların Avropa çempionatı keçirmək vəzifəsi olmadığı halda, daha çox iş görürlər. Ukrayna Azərbaycan qədər də deyil”.