Beynəlxalq dərəcəli hakim-inspektor Asim Xudiyev yeni təyinat alıb. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, təmsilçimiz 21 yaşadək futbolçulardan ibarət komandalar arasında 2011-ci ildə təşkil olunacaq Avropa çempionatının seçmə mərhələsinin oyununda iştirak edəcək. Xudiyev aprelin 1-də Bakı vaxtı ilə saat 18:00-da Krasnodar şəhərindəki “Kuban” stadionunda keçiriləcək Rusiya – Andorra oyununda hakimlərin idarəçiliyinə qiymət verəcək.