“Qrupumuzda ən arzulanan komandanın hansı olduğunu demək çətindir. Amma kağız üzərində Azərbaycan yığması daha münasib rəqib təsiri bağışlayır”. Apasport.az saytının məlumatına görə, bu sözləri Lüksemburqun 17 yaşlılardan ibarət milli komandasının baş məşqçisi Tobias Zölle deyib.

O, Avropa çempionatının seçmə mərhələsinin elit raundunda Azərbaycanın yeniyetmələrdən ibarət yığması ilə eyni qrupda mübarizə aparan komandasının bu qədər irəliləməsini tarixi hadisə sayır: “Təbii ki, Hollandiya və Xorvatiya qrupumuzun favoritləridir. Lakin başqa amillərin də mübarizəyə təsir edə biləcəyi istisna deyil. Belə olan halda, heç bir rəqibə yuxarıdan aşağı baxmaq olmaz. Hətta Azərbaycan yığmasını da qiymətləndirməmək olmaz”.

Qeyd edək ki, bu gün start götürəcək seçmə turnirinin ilk turunda yığmamız Hollandiya, meydan sahibi olan Lüksemburq isə Xorvatiya ilə qarşılaşacaq.

• Alleqri “Mançester Yunayted” yolunda
• “Atletiko”nun futbolçusu beyin travması alıb
• Klopp Almaniya millisinə namizədliyindən danışdı
• Yovetiçin yeni klubu bəlli oldu
• Fernandeşin cəzası ləğv edildi