Azərbaycanın 17 yaşlı futbolçulardan ibarət yığması (U-17) Avropa çempionatının seçmə mərhələsinin elit raundunda çıxışını başa vurub. Apasport.az saytının məlumatına görə, almaniyalı Bernard Lippertin rəhbərlik etdiyi milli komandamız qrupda keçirdiyi son oyunda meydan sahibi Lüksemburqla qolsuz heç-heçə edib.

Bununla da, U-17 qrupda 3-cü yeri tutaraq, yalnız Lüksemburqu qabaqlaya bilib. Həmçinin, Lippertin yetirmələri keçirdikləri oyunların heç birində qol vurmağı da bacarmayıblar.

Öncə Hollandiyaya 0:1 hesabı ilə məğlub olan futbolçularımız daha sonra xorvatiyalı həmyaşıdlarına böyük hesabla uduzublar (0:3). Özü də rəqibin bir üzvü qırmızı vərəqə aldığından, komandamız hollandlarla görüşün böyük hissəsini say üstünlüyündə keçirib. Lakin bu da U-17-nin fərqlənməsinə imkan verməyib.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”