Azərbaycan milli komandasının baş məşqçisi Berti Foqts martın 27-də Moskvada mətbuat konfransı keçirəcək. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, jurnalistlərlə görüş millimizin Rusiya paytaxtında qalacağı “Zolotoye koltso” otelində saat 12:00-da başlayacaq. Mətbuat konfransında milli komandamızın kapitanı Rəşad Sadıqovun da iştirakı nəzərdə tutulub. Cari seçmə mərhələ çərçivəsində Rusiya yığması ilə oyuna hazırlaşan millilərimiz sabah səhər saatlarında Moskvaya yollanacaq. Sabah saat 19:00-da mətbuat və azarkeşlər üçün açıq məşq olacaq. Millilərimiz ruslarla oyuna son hazırlığı martın 27-də Bakı vaxtı ilə 17:00-da “Lujniki” stadionunda keçəcək.

• "Mançester Siti"nin futbolçusu həbs edilib
• Argentina klubunda istefa
• PSJ "Arsenal"la bacarmadı - VİDEO
• Alleqri “Mançester Yunayted” yolunda
• “Atletiko”nun futbolçusu beyin travması alıb