Dünya çempionatının seçmə mərhələsi çərçivəsində keçirilən Rusiya – Azərbaycan görüşünü 60 min azarkeş izləyib. Apasport.az saytının məlumatına görə, matçı təşkil edən Rusiya Futbol İttifaqı oyunu izləyənlərin sayını rəsmən açıqlayıb. Bəzi rus mənbələri rəqəmin 68, hətta 70 min olduğunu iddia etsə də, təşkilatçılar tribunalarda yalnız 60 min seyrçini qeydə alıb.

Bu isə Azərbaycan milli komandasının tarixində ikinci göstəricidir. Rekord isə düz 7 il əvvəl bu günkü tarixdə Kardiffdə Uelslə matçda qeydə alınıb. Maraqlıdır ki, yığmamızın üç ən çox tamaşaçı toplayan qarşılaşması martın sonlarına təsadüf edib. Bu matçların hamısı seçmə mərhələ oyunlarıdır ki, komandamız bu anşlaqların heç birində qol vura bilməyib. İlk “beşlik”də yer alan digər iki qarşılaşma isə apreldə baş tutub və yoxlama matçlarıdır.

Azərbaycan milli komandasının tarixində ən çox tamaşaçının izlədiyi 5 oyun

tarix	oyun	hesab	Şəhər	Tamaşaçı sayı
29.03.2002	Uels – Azərbaycan	4:0	Kardiff	72500
28.03.2009	Rusiya-Azərbaycan	2:0	Moskva	60000
31.03.2005	İngiltərə - Azərbaycan	2:0	Nyukasl	49046
09.04.1996	Azərbaycan – Türkiyə	0:1	Bakı	36000
28.04.2004	Qazaxıstan – Azərbaycan	2:3	Alma-Ata	35000

• İsmail Kartal Super Liqaya qayıdır
• "Siti" "Yunayted"in rekordunu təkrarlayıb
• "Malmö" ilə matçdan öncə "Qarabağ"da itki
• "Mançester Siti"nin futbolçusu həbs edilib
• Argentina klubunda istefa