Sabiq FİFA hakimlərimiz “yandılar”

06.04.2009 - 12:13

Azərbaycan Premyer Liqasının XX turunun oyunlarını idarə edən hakimlərə verilən qiymətlər açıqlanıb. Peşəkar Futbol Liqasının mətbuat xidmətindən apasport.az saytına verilən məlumata görə, hesabat turunda ən aşağı qiyməti sabiq FİFA hakimi İmanxan Sultani alıb. Beynəlxalq dərəcəli hakim-inspektorumuz Murad Məmmədovun Sultaninin idarəçiliyini 6,8 balla qiymətləndirməsi kifayət qədər ciddi səhvlərinin olmasına işarədir.

Digər sabiq FİFA hakimi Zöhrab Qədiyev də bu turda ən aşağı qiymət alanlar sırasındadır. Turun mərkəzi oyunu “Olimpik” - “Bakı” görüşünü idarə edən Qədiyev hakim-inspektor Səfər Haşımov tərəfdən 7,3 bala layiq görülüb. Hərçənd, “Bakı” liderliyini itirmək bahasına başa gələn bu matçda həm hakimin idarəçiliyindən, həm də hesab bərabərləşdiyi anda rəqib futbolçularının “Fair play” qaydalarına əməl etməməsindən narazıdır.

4 aprel

"Bakılı" - "Qəbələ" – 0:1
Baş hakim: Əmrah İbrahimov - 7
Hakim-köməkçiləri: Akif Adıgözəlov – 7,8, Elşən Durmuşov - 8, Elnur Muradov - 8

"Karvan" - "Simurq" – 1:3
Baş hakim: Fariz Yusifov – 8,1
Hakim-köməkçiləri: Azər Əsgərov - 8, İlham Əliyev - 8, Rövşən Əhmədov - 8

"İnter" - "Muğan" – 2:0
Baş hakim: Elçin Məmmədov - 8
Hakim-köməkçiləri: Ramiz Əsədov – 8,1, Vaqif Ayvazov – 8,1, Ceyhun Haşımov - 8

5 aprel

"Xəzər-Lənkəran" - "Standard" – 4:0
Baş hakim: İmanxan Sultani – 6,8
Hakim-köməkçiləri: Mübariz Haşımov - 8, Azər Məmmədov - 8, Azad Mütəllimov - 8

"Olimpik" - "Bakı" – 2:1
Baş hakim: Zöhrab Qədiyev – 7,3
Hakim-köməkçiləri: Munis Abdullayev - 8, Aydın Ələkbərov - 8, Vüsal Əliyev - 8

"Qarabağ" - "Turan" – 4:2
Baş hakim: Anar Salmanov - 8
Hakim-köməkçiləri: İsgəndər Əliyev - 8, Azad Ə.Hüseynov - 8, Əfqan Həmzəyev - 8

"Neftçi" – MOİK – 3:1
Baş hakim: Elçin Səmədli – 7,6
Hakim-köməkçiləri: Qəzənfər Məmmədov - 8, Əliyar Ağayev - 8, Ramil Diniyev - 8