UEFA-nın seminarı Tallində olacaq
10.04.2009 - 10:34
UEFA-nın seminarı Tallində olacaq
Futbolun təbliği ilə bağlı UEFA-nın növbəti seminarı keçiriləcək. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, aprelin 16-17-də baş tutacaq tədbir Estoniyanın paytaxtı Tallində baş tutacaq. Avropa futbol qurumuna daxil olan milli assosiasiyaların mətbuat xidmətlərinin nümayəndələrinin iştirakı ilə keçiriləcək seminarda Azərbaycanı AFFA-nı İnformasiya və İctimaiyyətlə Əlaqələr Departamentinin rəisi Mikayıl Quliyev və departamentin əməkdaşı Ülviyyə Nəcəfova təmsil edəcək.

Qeyd edək ki, analoji tədbir ötən il aprelin 29-30-da Bakıda keçirilmişdi.
0