Birinci divizionda keçirilən qarşılaşmaların biri qalmaqalla nəticələnib. Apasport.az saytının məlumatına görə, Rusiya çempionatının IV turunda keçirilən “Çernomorets” – “Nosta” görüşünün bitməsi qonaqların qapıçısı üçün xoşagəlməz hadisə ilə nəticələnib. Hakimin final fitindən sonra meydanın mərkəzinə, rəqiblərin əlini sıxmağa tələsən Denis Vavilin qulağından zərbə alıb. Belə ki, onun qoruduğu qapının arxasındakı tribunadan meydana sıçrayan azarkeş qapıçıya çataraq ona zərbə ilişdirib. Hadisə yerinə yaxınlaşan Ruslan Surodin qapıçısını müdafiə etmək üçün ayağı ilə azarkeşin cavabını verib. Münaqişə “Çernomorets”in hücumçusu Roman Oreşuk və qonaqların məşqçisi Viktor Qausun müdaxiləsi ilə yatırılıb. Onlar azarkeşi tutub milis əməkdaşlarına təhvil verib.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu