Bir neçə ay əvvəl açılışı olan AFFA-nın Futbol Akademiyasının yetirmələri ilk beynəlxalq turnirə yollanır. Apasport.az saytının məlumatına görə, “Akademiya” adı altında çıxış edən komandamız yeniyetmə futbolçular arasında təşkil olunan Qazaxıstan prezidentinin kubokunda mübarizə aparacaq. Aprelin 26-da start götürəcək və 30-dək davam edəcək turnirdə səkkiz komanda çıxış etməlidir ki, onlar Almatının “Footballand” idman kompleksində münasibətlərini ayırd edəcək.

A qrupunda mübarizə aparacaq “Akademiya” turnirin açılış günündə Qırğızıstanın “Abdış-Ata” komandası ilə mübarizə aparacaq. Təmsilçimizin digər iki rəqibi isə Rusiya paytaxtı Moskvanın məşhur komandaları MOİK və “Spartak” olacaq. Aprelin 26, 27 və 29-da baş tutacaq qrup oyunlarından sonra birinci yeri tutan komandalar bir-biri ilə görüşəcək. Digər qrupda Rusiyanın “Rubin”, Hollandiyanın “Den Haaq”, Qazaxıstanın “Semey-93” və “Ole Brazil” komandaları mübarizə aparacaq.

Qeyd edək ki, “Akademiya” Azərbaycanın 17 yaşlılardan ibarət milli komandasının əsasında formalaşıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu