Azərbaycan Futbol Federasiyaları Assosiasiyası (AFFA) tender elan edir. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, tender milli komandamızın qarşıdakı iki ev oyununda teleyayım hüququ ilə bağlıdır. Bunlar 2010-cu il dünya çempionatının seçmə mərhələsi çərçivəsində iyunun 6-da Uelslə rəsmi oyun, İspaniya ilə 9-da yoldaşlıq görüşüdür. Tenderin ilkin şərti oyunların yayımının peyklə ötürülməsidir. Tenderlə bağlı müraciət etmək istəyənlər mayın 15-dək AFFA-nın baş katibi Elxan Məmmədov və İnformasiya və İctimaiyyətlə Əlaqələr Departamentinin rəisi Mikayıl Nərimanoğlu ilə əlaqə saxlaya bilər.

Qeyd edək ki, Uels və İspaniya ilə oyunlar Tofiq Bəhramov adına Respublika stadionunda keçiriləcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu